Policia në Turqi ndaloi të shtunën qindra punonjës të aeroportit, që po protestonin për kushtet e punës në aeroportin e ri të Stambollit. Aeroporti, që pritet të hapet muajin e ardhshëm, është një projekt gjigant i mbështetur nga Presidenti Tayyip Erdogan.
Protesta filloi pas një aksidenti të një autobusi të brendshëm të aeroportit ditën e premte, ku u plagosën 17 punonjës.
Sipas sindikatës, protestës ju bashkuan mijëra punonjës, por më pas protestuesit u shpërndanë nga policia, që përdori gaz lotsjellës.
Sipas një ligjvënësi të opozitës kurde, numri i të ndaluarve ishte rreth 400 vetë.
Aeroporti i ri, për të cilin Turqia thotë se do të jetë më i madhi në botë, është një prej projekteve madhore 15-vjeçare që ka mbështetur Erdogani, mes tyre ura, porte dhe hekurudha, që e kanë transformuar infrastrukturën e Turqisë. Këto projekte janë ndërtuar me kredi me kushte të favorshme. Megjithatë, të premten Erdogan tha se qeveria i ka bllokuar investimet e reja, me synimin për të kontrolluar inflacioni dhe për të mbështetur lirën turke, që gjatë këtij viti ka rënë 40 për qind kundrejt dollarit.
Greqi, greva “paralizon” trafikun detar për të tretën ditë r...
Norvegjia rrit moshën minimale të fëmijëve të lejuar në rrje...
Publikohet formacioni i javës së tretë në Champions League
Sllovenia anulon referendumin për centralin e ri bërthamor
Tiranë, KQZ miraton rregullat për regjistrimin e zgjedhësve ...
Beqa i PDK-së e pyeti nëse kishte marrë leje nga Dejona Miha...